ECLÉCTICA vive a música com espontaneidade e consigue transmitir ao publico a força e a beleça das cousas bonitas: a expresividade, o movimento corporal, as letras sugerentes e os ritmos galegos com umha precisa força e delicadeza.

ECLÉCTICA é um xeito muito particular de viver a música de raiz, a sua sensibilidade cara ela é umha forma de vida.

ECLÉCTICA produze um efecto inmediato e distinto de cada vez, porque consideram que cada concerto é um momento irrepetível.

ECLÉCTICA joga com o público e coa sua natural improvisaçom escénica fazendo a este participe da alegria que produze O CANTAR.

A conjunçom da Pandeireta dos Ancares com as demais pandeiretas galegas conseguem
umha claridade e justeça de ejecuçom que permite umha grande expresividade na percusom.

ECLÉCTICA coloca a pandeireta no lugar que lhe corresponde na actualidade: no mundo.
Pandeiretas galegas, adufes galegos e portugueses, claridade, justeza e mabeabilidade... atopando umha nova expressividade para a pandeireta.

Richard RIvera, historiador e interesado nos cantos populares indaga nas fontes da tradiçom para basar o seu cantar em cantos de arriero, onomatopeias, frases e refrans. É umha voz natural e sinceira que lembra aos cantadores antigos da nossa história musical. Conhecedor das linguas románicas e nado em Occitania, no repertório de ECLÉCTICA interpreta também cantos gascons e bretons.

Davide Salvado, profesor de pandeireta no Conservatorio de Música Folque de Lalim é uma das vozes que entrou com força no panorama da música folque galega em voz masculina. Davide mistura a sua natural provocaçom coa sua técnica vocal creando um estilo próprio para o canto popular.

Ramom Pinheiro, historiador e músico, conhecido polos dous primeiros discos da formaçom Chouteira tem colaborado com grupos de rock como Xenreira, Skarnio e foi productor musical do disco de Henrique Otero "O gaiteiro do Fragoso". Director da obra "Historia da música galega gravada" pendente de publicación por Boa Music e Fundaçom Meendinho é o percusionista deste projecto musical entre bailes, olhadas ambiguas, precisas maos e eclécticos sons.

Ugia Pedreira, cantadora, directora e profesora de canto no Conservatório de Musica Tradicional e Folque de Lalim é umha das vozes mais reconhecidas da Galiza
Foi voz do grupo Chouteira (creadores da cançom para o Xabarín Clube" O jai jai") com quem realizou três discos, o último no 2001 "Folla de lata".
Creou recentemente o seu espectáculo em solitario baixo o nome de "Marful", música de novas tendéncias donde exerce de compositora e comunicadora junto Pedro Pascual, Pablo Alonso e Marcos Teira. Colaborou com Os Cempés, Xenreira, Nenos da Revolta, Nación Reixa, e no expectáculo femenino galego "Son delas" (Uxía, Mercedes Peón, Rosa Cedron, Susana Seivane...)
Recentemente gravou no novo disco dos italianos Banda Bassotti "Asi es mi vida" a versom de Violeta Parra "Gracias a la vida" e actualmente canta, harmoniça e aporta a sua experiência e visom conceptual em ECLÉCTICA ENSEMBLE.

- O nome de Ecléctica homenagea a uma mulher cantadora entre gaiteiros (Gaiteiros com senhorita), referimo-nos a Maruxa dos "Rosales". O seu verdadeiro nome é Ecléctica Órbita. -

Contacto: almuinha@bandua.com 669 535527

ACTUALIDADE
Ecléctica actualmente prepara un novo espectáculo chamado DILLE-I com o conhecido actor CARLOS BRANCO e o Dj inglés, Lord Keison. DILLE-I está produzido por Nordesia Produccións e estrenara-se a finais do 2003.
Actualmente Ecléctica está de gira com o espectáculo:

FOTOGRAFíAS Hi Res PRENSA
Foto 01 / Foto 02 / Foto 03 / Foto 04 / Foto 05 / Foto 06 / Foto 07 / Foto 08 / Foto 09